Indipendentistas, cras s'addòbiu de Abbasanta

S’apuntamentu cun sas eletzione regionales est ponende s’artis-artis a su mundu indipendentista chi borta cun borta punnat a fraigare mesas o domos de cuncòrdia o de unidade pro punnare a rapresentare e a praticare s’autodeterminatzione in su parlamentu sardu. Sas de annoas sunt giai mustrende una partzimenta intre chie est arresonende cun su tzentru manca (LibeRU, A innantis e fintzas Sardegna chiama Sardegna cun sas chimbe chistiones suas), chie at a brincare s’apuntamentu prus chi no imbeniente, chie - nat chi - est proende a fàghere una lista de sa manca sarda (Rossomori cun Rifondazione e Potere al Popolo) e totu sos àteros chi si sunt dende apuntamentu a cras in Abbasanta pro una «lista civica, plurale, aperta e inclusiva». Aberta a chie? A partidos, assòtzios e grupos chi ant gherradu «per difendere la sanità pubblica, per una scuola sarda e per il bilinguismo. per trasporti decenti, contro la speculazione energetica, contro le basi e le esercitazioni militari, contro le industrie nere e inquinanti e le fabbriche delle armi». Nd’amus a ischire de prus cras.

m.p.