Sas pitzas de Emy Scarpa arribant a Londra
In su "The Italian show" sa "King Charles" e sa "Queen Elisabeth"
Sas pitzas de Emy Scarpa arribant a Londra pro su "The Italian show", su format chi dat importàntzia a sa filiera de sos produtos italianos in sos mercados internatzionales.
Duncas, sa "King Charles", dedicada a su Rei Càralu, e sa "Queen Elisabeth", sa pitza dedicada a sa Reina Lisabeta, su 19 de su mese de cabudanni ant a èssere protagonistas de su pitza "show" "The Italian show".
In Londra Emy Scarpa at a fàghere tastare finas s'interpretatzione sua de su mustatzeddu, una fogatza tìpica de sa Meurreddia-Igresienti.
© RIPRODUZIONE RISERVATA