Su 23 in Otieri "Sa Pinna 'e sa 'Oghe"

Eventu collaterale a su "Premio Ozieri" in contu de poesia, potentziamentu linguìsticu e cunfrontu artìsticu
7 Cabudanni 2023
sapinnaesaoghe

"Sa Pinna 'e sa 'Oghe" est su tìtulu de s’eventu in programma in Otieri pro su 23 de cabudanni in contu de poesia e de limbàgios artìsticos. Aprontadu in intro de sas initziativas a costàgiu de su “Premio Ozieri di letteratura sarda” cun su patrotzìniu de s’amministratzione comunale, s’addòbiu punnat a su potentziamentu linguìsticu de sos pitzocos.

Su teatru tzìvicu de sa tzitade logudoresa at a ospitare duncas una «performance ludico-poetica» a incuru de Mauro Piredda e Cristiano Becciu, ambos duos amantiosos e istudiosos de poesia e de limba sarda. In cussa sessione, cara a sos istudiantesde su logu, ant a presentare, cun limbàgiu e istrategias comunicativas dèghidas, sas tècnicas de poesia orale e iscrita cunfrontende·las cun sos fenòmenos artìsticos noos chi, però, semper dae sa paràula movent. Àtera punna at a èssere sa de fàghere connòschere su patrimòniu poèticu chi dae prus de 60 annos su Premio Ozieri amparat, avalorat e ispàinat.

m.p.

© RIPRODUZIONE RISERVATA