Cras s’addòbiu de su tzentru dereta, eris Todde in Nùgoro

Est in programma pro cras una mesa noa de su tzentru dereta pro faeddare de alleàntzias e de ghia de sa coalitzione. Narant chi s’at a chistionare de programma e chi b’ant a èssere totu sas cumponentes de sa coalitzione: a bìdere istemus in contu de presèntzia de Lega e de Psd’Az (Solinas eris nche fiat in Frorèntzia a s’addòbiu nieddu de sos sovranistas europeos). In su mentres unu de sos duos tzentru manca eris at comintzadu sa campagna eletorale sua in Nùgoro: presente Alessandra Todde cun totu sos alleados.