Tzentru dereta, cun Solinas finas Tajani

Aut simul stabunt aut simul cadent. Est a nàrrere chi si non b’at cuncòrdia in sa majoria ruent presidente e Consìgiu intreu. Sa cuncòrdia comeo b’est, de su restu sunt guvernende paris Solinas e sos alleados. Sa chi non b’est est in su chi si devet fàghere in sas eletziones imbenientes. Ca Solinas est bisende·si su bis (nessi de sa candidadura), ma FdI non nde cheret s’intesa. Como fintzas Tajani de Forza Italia est punnende a re-candidare su sardista. Chi pro parte sua est minetzende de si dimìtere. E duncas de antitzipare sas eletziones pro brujare sos tempos. Est su chi leghimus in Sardinia post. Sa chistione - acontessende - podet àere fintzas ciunsighèntzias in su tzentru manca pro cristallizare sa partzimenta intre Todde e Soru o at a agiudare sa formatzione de una coalitzione ùnica?

m.p.