"A Innantis" e M5S in sa matessi lista

Sos indipendentistas de “A Innantis” ant a fàghere sa lista eletorale issoro in pare cun su M5S. Custu mangianu Franciscu Sedda (de sos primos) e Ettore Licheri (de sos de Conte) ant presentadu su sìmbulu in una cunferèntzia de imprenta cun sa candidada de sa coalitzione Alessandra Todde. Sedda e Licheri ant faeddadu de «progetu rivolutzionàriu e innovativu dende coro e ancas a su printzìpiu de indipendentismu modernu». «Sa punna nostra est sa de trasformare a fundu e mègius sa Sardigna sustenende sa candidadura de Alessandra Todde chi est sa mègius sìntesi de custu ispìritu de cambiamentu, innovatzione e autodeterminatzione». In agenda «iscola, energia, traballu, cultura, territòriu, matèrias primas».