Regionales a 4? Zedda annùntziat sa cursa sua

Truzzu? Solinas? Saba? Pro cantu si nd’at a dèvere faeddare? In su mentre b’at chie in cussa coalitzione narat chi tempus non bi nd’at prus. «So arròschida de custu istèniu, mi càndido comente indipendente». Punnende a sa cadrea prus arte de s’esecutivu regionale. Est Alessandra Zedda, e in veridade no est una novidade nemmancu su nùmene suo. Petzi chi como at naradu chi bastat e chi duncas est «pronta». «Dia mudare idea – at annantu s’ex vitze presidente – sceti cun una proposta de discontinuidade bortulende sos ischemas natzionales de iscàmbiu intre regiones. Ma deo, de cada manera, bi la sigo». Duncas no est craru cantos grupos de tzentru dereta ant a cùrrere contra a sos duos de tzentru manca.