Regionales: sa Coalizione sarda d’Azione

Sos de Calenda in Sardigna, est a nàrrere s’ex segretàriu regionale Pd e ex Italia Viva Giuseppe Luigi Cucca, a concruos si sunt ghetados a s’oru chi prus lis paret dèghidu. De custa manera sa “Coalizione sarda” de Renato Soru si nch’allargat a tzentru a pustis chi de su tzentru mannu cun Peru e Tunis nudda s'at a fàghere. Azione Sardegna at dae pagu fatu su cungressu regionale suo dende a Cucca s’incàrrigu de segretàriu e a Elvira Evangelista su de presidente. Su mese de maju coladu unos cantos coordinadores provintziales e regionales de su partidu si nche fiant essidos pro nche lòmpere a +Europa. Como si nch’agatant paris in sa Coalizione sarda, su tzentru manca chi non si cumprendet si nch’est prus a manca o mancu de s’àteru tzentru manca.