Salvini aberit a Truzzu, incògnita sardista

«In linia di principio» est oramai sa paràula de òrdine de sos leghistas chi diant chèrrere una re-cunfirma de Solinas ma a custu puntu “la diant chèrrere” ebbia. Una positzione prus modde chi antìtzipat su “vorrei ma non posso”. Sos sardistas sunt sufrende sa situatzione ca a bisu issoro sa legisladura l’ant fata paris e “non cumprendent” su pro ite Giorgia Meloni “se ne freghi”.

In custu dispraghere bi sunt fintzas sos faeddos de su vitze de Salvini, Crippa, chi nat chi «Berlusconi fiat prus dadivosu punnende in antis a sa coalitzione». Duncas sos bator moros devent seberare si retzire su diktat melonianu (e su dietro front “dispràghidu” de Salvini), si cùrrere solos (su sìmbulu est depositadu), o si chircare amparu in sa coalitzione sarda de Soru (chi no at naradu chi nono a su sustegnu de Italia viva).

m.p.