Sos Progressistas: «Una lista unitària» de sa “rivoluzione gentile” in intro de una «coalitzione programmàtica» ùnica

«Indiritzamus a Renato Soru e a sas àteras formatziones polìticas, chi cun nois ant cumpartzidu sa contrariedade a su mètodu tzentralista pro su sèberu de sa candidadura a sa presidèntzia, pro chi si promovat un’atu colletivu de dadivosidade e si vàlutet paris s’utilidade de fraigare una lista unitària chi afòrtiet, in intro de un’ischieramentu democràticu unidu, sa positzione culturale e polìtica espressada in sas initziativas de sa “rivoluzione gentile”». Custu est su ant iscritu sos Progressisti in su documentu polìticu istèrridu eris. Unu reconnoschimentu de Alessandra Todde comente ghia de una coalitzione ùnica.