Truzzu retzit s’ok de sa Lega e de Alessandra Zedda

Si fiat oramai cosa prus chi non crara su “m’adèguo” de Salvini e de Crippa pro Truzzu candidadu a presidente, como b’amus fintzas su dietro front de Alessandra Zedda chi at retiradu sa candidadura sua pro chi su tzentru dereta abarret unidu. «Apo àpidu manera – narat s’ex vitze presidente de sa Regione – de chistionare cun su sìndigu de Casteddu e cumpartzire cun issu unos cantos puntos programmàticos». Mentovados abba, sanidade e sovranidade energètica. «Li chèrgio torrare gràtzias – gasi Truzzu – pro sa disponibilidade sua. Non tenia duda peruna». Como mancant sos sardistas a s’apellu.

m.p.