Lòmpida a Casteddu sa protesta contra a sa “Legge Bavaglio”

Unos cantos giornalistas sardos si sunt addobiados custu mangianu in Casteddu, a ogros a sa Prefetura, pro manifestare contra a sa chi li narant “Legge Bavaglio” e pro pedire a su presidente Mattarella, gasi comente sunt faghende in àteras tzitades de s’istadu italianu, de no la firmare. Sa mobilitatzione fiat ordimingiada dae sa Fnsi, Assostampa e Ordine regionale de sa categoria. A bisu de sos manifestantes, custa lege impedit de acumprire a su traballu de crònaca impedende sa publicatzione (pro intreu o in parte) de sas ordinàntzias de custòdia cautelare finas a sos concruos de s’udièntzia preliminare. «Non semus manetaros – ant naradu –. Cherimus fàghere su traballu nostru ebbia».

m.p.