Autodeterminatzione e feminismu multiculturale, assemblea s'8 in Tàtari

In ocasione de sa Die internatzionale de sa Fèmina, sa Domo de Totus organizat un’assemblea de istudiantes pro faeddare de decostrutzione de su pregiudìtziu ratziale, ètnicu, religiosu e de classe in sa tziviltade otzidentale. «Amus a faeddare – narant sos organizadores – de sas batallas feministas in Itàlia e Sardigna, dae sas de sos annos 70 a sas de sas dies de oe». De prus: «In custos tempos de catàstrofe e genotzìdiu in Gaza, est pretzisu a dedicare unu meledu a sa resistèntzias de sas fèminas palestinesas». S’apuntamentu est a sas 5 de merie in s’àula N de su dipartimentu Disuf in carrera de Zanfarino 62.

m.p.