Catalugna, male Erc colada a manca dae su Psc

Sas eletziones ibèricas non sunt totus che pare. Si in Euskadi amus bidu s’avantzada de Bildu, in Catalugna semus bidende comente pro sa prima bia a pustis de dòighi annos, sos indipendentistas no ant prus sa majoria de su Parlament. Binchent sos sotzialistas, e custu podet èssere finamentas un’èsitu de sas polìticas noas de Madrid in contu de natzionalidades. Barantaduos sos sègios conchistados dae 33 chi fiant. Junts colat dae 32 a 35 ma est Erc chi nde perdet 13 (nche falat a 20). S’Esquerra duncas si nche faghet colare a manca dae su Psc e lassat a sos catalanos su còmpitu de seberare su natzionalismu burghesu dae su càntaru originale de Junts. Sa cosa peus est chi pro sa prima borta intrant a su Parlament sos indipendentistas de dereta estrema de Aliança Catalana. Duos sos sègios issoro.

Imàgine pigada dae sa pàgina de Erc