Indipendentismu, sa fase noa de Caminera noa

Opositzione a sas lògicas de gherra e a sas tzerachias militare chi nche ponent sa Sardigna in mesu a sas cuntierras internatzionales; moratòria in contu de ispeculatzione energètica e amparu de sos logos; cuntrastu a su turismu massivu e sena controllu; promotzione de sa mobilidade sustenìbile e isvilupu de infrastruturas e trasportos chi diant risposta a sas comunidades locales; atentzione a sas chistiones de gènere e a sas polìticas sotziales e culturales. Sunt custos sos chimbe puntos chi is de Caminera noa ant istèrridu comente base de allega cun àteras fortzas tzìvicas e indipendentistas. Pro sas amministrativas Caminera noa proponet de susènnere is candidados chi atzetant custos puntos.

m.p.