Comunales, binchet su campu largu in sas tres tzitades

In Casteddu, Tàtari e S’Alighera, su campu largu at bìnchidu a su primu turnu, sena b’àere bisòngiu de su ballotàgiu.

In Casteddu (foto pigada dae su situ istitutzionale) Massimo Zedda at otènnidu  belle su 60% de sos votos. Su partidu suo, i Progressisti, resurtat segundu cun su 14,56%, carchi cosa in mancu de su Pd chi nch’est a su 15,87%.

Fintzas in Tàtari su tzentru manca torrat a bìnchere cun Giuseppe Mascia. Coladu fintzas inoghe su 50% cun su Pd chi si nche pigat su bonu de sos cunsensos (su 20 e barda). Male su M5s cun pagu prus de su 6% e coladu dae su 7,99 de Avs.

In S’Alighera su tzentru dereta marcat un’àtera derrota cun s’ex sìndigu Marco Tedde chi si firmat a su 45. Cun su 54% binchet su campu largu ghiadu dae Raimondo Cacciotto.