Addòbiu Pratobello - Cabos de grupu regionales. Giulia Lai: «Artziare su livellu de sas rechestas»

«Artziare su livellu de sas rechestas ca su percursu legislativu de sa Pratobello 24 e de su Dl 45 est tropu longu. Mancari aprovadas, peruna de custas at a impedire a Terna de sighire sos traballos de su Tyrrhenian link, mescamente in Ceraxius». Est su chi narat s’avocada Giulia Lai in ocasione de s’addòbiu de oe intre una delegatzione in rapresentàntzia de sa Pratobello e sos cabos de grupu in regione. «Su comitadu de Quartu l’ischit dae cando est nàschidu ite est s’iscontru cun sas istitutziones. Sa presidente Todde e sa Giunta sua sunt sighende sa matessi istrategia de su sìndigu Milia». Sos riferimentos sunt a s’atzione de giàgaru de su presìdiu contra a su Tyrrhenian Link.