Ceraxius, sa solidariedade de Repùblica a sos ativistas giagarados. «A nemos serbit su Tyrrenian Link»

«A nemos serbit su Tyrrenian Link, ne a su pòpolu sardu ne a s’italianu. De onni manera est un’interventu pensadu in Itàlia sena peruna valutatzione in contu de esigèntzias energèticas in Sardigna, sena programmatzione, sena àere interessadu sa populatzione». Est su chi narant sos militantes de Repùblica - cun unu testu de solidariedade - a pustis chi sas fortzas de s’òrdine nch’ant giagaradu sos ativistas presentes is su presìdiu de Ceraxius. Criticados sos guvernadores sardos: «Ant fatu unu sèberu, contra a sos interessos de sa natzione sarda e in favore de sas multinatzionales e de sos fundos de ispeculatzione chi furant resursas peri su mundu e cuntzentrant sas richesa in manos de pagos. Sas acontèssidas nos ammustrant galu sa complitzidade de sos guvernos sardos cun su colonialismu italianu».