A Foras: «Iscias chìmicas? Nono, est s'aprontu de sa gherra in sos chelos nostros»

Peruna iscia chìmica, perunu complotu. Est sa sìntesi chi sos de A Foras proponent a cantos eris fiant ogros a chelu. «Sas àeras de Sardigna fiant prenas de iscias de cundensatzione de sos àeros-catza militares cun sos giogos bèllicos nòdidos issoro movende dae sa base de Deximumannu. Dae Barbàgia e Ogiastra a Campidanos, in medas ant pòdidu bìdere sa firma de s’ocupatzione militare in sos chelos nostros». Teorias complotistas a banda, duncas. «Che chi inoghe non b’apat unu complotu ordimingiadu mègius e prus chi no evidente: su de s’aprontu manantiale de sa gherra comente mèdiu de domìniu de sos pòpulos e de sas economias in sos logos e peri su mundu. Su genotzìdiu in Gaza, sa distrutzione in Yemen, sos bombardamentos criminales de sas potèntzias otzidentales in s’Oriente mesanu, totu inoghe naschet, subra sas concas nostras».