“Liberamus su votu”, una proposta noa proportzionalista de initziativa populare

«Su 2024, pro sa de tres bortas, amus votadu cun mecanismos de rapresentàntzia pagu democràticos». E pro custu est chi sos de sa rete “SardDegna Iniziativa Popolare” ant imbiadu a totu sos Comunes sardos sos mòdulos de regorta de sas firmas pro una initziativa de lege populare noa. Sa punna decrarada de sa campagna “Libaramus su votu” est sa de nche barigare su sistema eletorale magioritàriu, bipolarista e presidentzialista in favore de una partzimenta proportzionale de sos sègios in s’assemblea eletiva màssima de Sardigna. Sas firmas las ant a collire dae su 27 de freàrgiu.