Sos giornales de oe #045

Sa Cavalcada de Frate Indovino
5 Giugno 2023
sos giornales de oe

“Rimandato a settembre”. Cosa chi amus intesu narende·la in cuntestos iscolàsticos. Oe est probabilidade chi leghimus in Nuova e Unione a dae chi su sìndigu tataresu Nanni Campus est pensende de rinviare sa Cavalcada sarda a cabudanni pro more te su «clima ammachiadu». Su chi non si cumprendet est su cando. Campus in s'Unione: «Valutemus, bidende s’esperièntzia positiva de s’annu coladu, de la torrare a fàghere su 2024 in cabudanni». Campus in sa Nuova: «Prus a prestu, cun custu tempus ammachiadu, unu rinviu definitivu de sa manifestatzione in cabudanni diat pòdere èssere una cosa de pònnere in agenda». Tando, annoas ebbia e poi valutatziones annu cun annu cunforma a ite narat Frate Indovino o rinviu definitivu isperende chi su machiore de sas àreas non nde cumbinet de sas suas? Un’eventu che a su de sa cavalcada no est cosa chi si podet organizare previdende su tempus, ne in maju, ne in làmpadas ne in cabudanni. Ca su tempus si podet iscontzare de repente e in cabudanni diat pòdere ghetare abba casi comente a concruos de austu minetzende su Redentore in Nùgoro, pro nàrrere. Duncas de ite semus faeddende? Finamentas ca a pàgina 4 de la Nuova leghimus de «abba in maju e in cabudanni, làmpadas su mese a s’assuta». Duncas, pro seberare sa data de sa cavalcada cheret chi, a bisu de chie iscriet, seberemus su mètodu istatìsticu pro mèdiu de s’Arpas. Làmpadas? «Petzi 18 millìmetros». Ma a bastat custu datu? Nono, ca in s’artìculu matessi podimus lèghere chi «sos millìmetros de abba registrados in unu mese podent èssere cuntzentrados in una die ebbia». E duncas? «Iscummìtere», «sorte bona». Ma faeddadu mai b’amus cun chie si devet retirare su foràgiu? O intesu mai l’amus su ditzu de comente faghent in Bosa? O s'àteru ditzu de no iscontzare coberturas in antis de Santu Juanne? Ca semus faeddende de abba “normale” non che a cussa de sa chida colada chi at fatu dannu mannu in su Meilogu (sos de Bànari pro nche tzucare a Tàtari – cavalcada o mancu – devent colare dae su sartu de Nostra Sennora de Sea ca s’istrada printzipale est blocada in tretos de Sìligo). E gasi, lompende·nche a carchi giornale italianu chi oe faeddat de allagamentos, acò su tìtulu de il Sole 24 ore: «Itàlia, consumu de terra semper prus artu. Arriscos prus mannos pro undadas de calore e allagamentos».

© RIPRODUZIONE RISERVATA