Festa de Liberazione Cuartu: dibbatidu, is sinistras torrant a partiri de s'autocrìtica
(IlMinuto) - Casteddu, 28 de su mes''e austu - "No seus arrennescius a cambiai is condizionis de vida de su populu nostru e immoi seus tochendi in primu persona sa mancànzia de fiducia in is forzas nostras politicas". Cun custus fueddus su dirigenti de su Prc, Enrico Lobina, at introdùsiu su dibbatidu chi s'est tentu ariseru in Cuartu Sant'Alèni in sa "XII Festa di Liberazione" po chistionai de is isperànzias de sa sinistra comunista e anticapitalista. "In veci de prestai atenzioni a su mund''e su traballu - at spiegau su segretariu regionali de Rifondazione comunista Gianni Fresu - si seus castiaus su bìddiu. No eus tutelau comenti si depit su mundu nostru".
Si de Fresu est beniu s'indicu de "torrai a ponni a tema sa batalla tra capitali e traballu" sa consillera regionali de is Rossomori, Claudia Zuncheddu, at pesau dùbbius, chistionendi de sa centralidadi de s'industria in su futuru de s'isola. "Sa risorsa nostra prus manna - at precisau sa sardista de sinistra - est s'ambienti. Seus segurus chi su modellu d'isviluppu impostu a sa Sardigna esti stetiu giustu? In is zonas industrialis eus assistiu a s'aumentu de s'indici de is tumoris. In Pòrtu Turre ddoi est su 14 po centu de sa diossina de totu s'Europa. S'industria est a iscadènzia: depeus sceberai istradas noas".
A pustis su dibbatidu at cambiau tema, po chistionai de is unionis tra partidus. Claudio Giorgi, su segretariu regionali de su Pdci, at fattu sa proposta de torrai a partiri de s'unidadi de is comunistas po costruiri unu nou centrusinistra. Su cordinadori regionali de Sinistra e Libertà, Pietro Maurandi, at in veci indicau sa via po costruiri unu partidu unicu aundi ddoi depint essi totus is ànimas de sa sinistra po s'uniri a pustis cun su Pd. " Est difícili - at osservau Fresu - fai s'unidadi a sinistra cun chini at fattu is medas una divisioni".
Si de Fresu est beniu s'indicu de "torrai a ponni a tema sa batalla tra capitali e traballu" sa consillera regionali de is Rossomori, Claudia Zuncheddu, at pesau dùbbius, chistionendi de sa centralidadi de s'industria in su futuru de s'isola. "Sa risorsa nostra prus manna - at precisau sa sardista de sinistra - est s'ambienti. Seus segurus chi su modellu d'isviluppu impostu a sa Sardigna esti stetiu giustu? In is zonas industrialis eus assistiu a s'aumentu de s'indici de is tumoris. In Pòrtu Turre ddoi est su 14 po centu de sa diossina de totu s'Europa. S'industria est a iscadènzia: depeus sceberai istradas noas".
A pustis su dibbatidu at cambiau tema, po chistionai de is unionis tra partidus. Claudio Giorgi, su segretariu regionali de su Pdci, at fattu sa proposta de torrai a partiri de s'unidadi de is comunistas po costruiri unu nou centrusinistra. Su cordinadori regionali de Sinistra e Libertà, Pietro Maurandi, at in veci indicau sa via po costruiri unu partidu unicu aundi ddoi depint essi totus is ànimas de sa sinistra po s'uniri a pustis cun su Pd. " Est difícili - at osservau Fresu - fai s'unidadi a sinistra cun chini at fattu is medas una divisioni".
© RIPRODUZIONE RISERVATA