Totu cussu chi ddoi est de sciri in matéria de birra bella: arribbat in Sardigna su Master de Slow Food

(IlMinuto) – Casteddu, 11 de su mes''e marzu - Comenti cumprèndiri si una birra est bella? A custa dimanda at a donai un'arrespusta su "Master of Food Birra" aprontau de Slow Food chi s'at a tenni de su 12 a su 14 de su mes''e marzu in sa provìnzia de Crabònia e Igrèsias (po pediri iscedas prus precisas tocat a dimandai a Nicoletta Piras 328 2924549).
Su cursu, s'at a tenni in cuatru lezionis e previdit s'atastu de 20 tipus de birra europeas de cussas fattas a manu e puru de cussas fattas in is industrias. "Custus cuatru atóbius - si podit ligiri in d'una nota - presentant unu riassuntu de sa chistioni de is matérias primas, de is principalis tipus, stilis e logus de produzioni, ma no est finia innoi, s'at a fueddai puru de comenti s'imparat a atastai e a ricònosciri sa birra prus bella".