Birra: cun Slow Food a s'iscoberta de is segretus de unu bufóngiu no sèmpiri biundu

(IlMinuto) – Casteddu, 26 de su mes''e maju - Nai basta a su "tristu pensu de totus chi bidit sa birra comenti unu bufóngiu biundu, pagu pagu marigosu, meda gasau e a preferu de serbiri meda fridu". Esti stetiu custu, forsis, su motivu chi at fattu decídiri a su Slow Food de aprontai "Dimmi che birra bevi e ti dirò chi sei", unu beru e própriu cursu de imparu po maistus birraius benidoris.
"Su cursu - si ligit in d'una nota - at a donai is istrumentus teóricus e pràticus po fai sa birra cun is próprius manus". Su camminu at essi fattu de duus momentus: su primu (29 de su mes''e maju) dedicau a sa produzioni de birra de estratus e su segundu (5 de su mes''e làmpadas ) at a tratai de sa produzioni cun su métodu Allgrain, su própriu usau in is birrificius.
Su cursu s'at a tenni in sa sedi de s'Istitutu Ténnicu Agrariu Statali Duca degli Abruzzi, in Su Masu.
A is lezionis ant essi acostaus una cena de fantasia cun s'abbinamentu de birra e cosa 'e papai (26 de su mes''e làmpadas) e is "Laboratori del Gusto" (27 de su mes''e làmpadas).
Est possíbbili fai s'iscrizioni intru cras 27 de su mes''e maju.
Po ndi sciri de prus: 393 0966839 – 389 0255289