Territorialidadi de sa pena. A Manca arraspundit a su ministru Alfano: "Po is presoneris sadrus sa cundenna est su confinu"

(IlMinuto) – Casteddu, 18 de su mes''e maju - "Apabas de is chistionis burocraticas in órdini a s'abbisóngiu de sa seguresa ddoi est unu modus operandi chi de fatu fissat sa pena de su confinu a is dannus de is presoneris sadrus". Cun custus fueddus Sa Direzioni política de A Manca pro s'Indipendentzia arraspundit a is dichiaras de su ministru de sa "Giustizia" Alfano po s'ausenzia de arrispetu in is cunfrontus de sa Territorialidadi de sa pena po is medas presoneris sadrus".
"Su stadu italianu - scririt A Manca - iscabbullit sa chistioni de sa territorialidadi de sa pena" narendi, po boxi de s'esponenti de su Guvernu Berlusconi, ca "sa majoria de is presoneris sadrus est in Sardigna".
"De is àterus 193 pagu dd'importat: 88 funt ingunis abetendi, aundi est prus cómodu chi abetint sa decisioni de diversus tribbunalis italianus. A Manca - si ligit in su documentu de sa Direzioni - no s'abetat de seguru de arriciri de su stadu italianu is iscusas po su blocu de cussu chi po sa beridadi est unu sistema chi si scit movit beni cun scontrórius e opressionis a su pópulu nostru, tra custas malesas ddoi est puru su disterru de is presoneris de sa própriu terra".
"Sa campagna po Bruno Bellomonte - concluit sa direzioni de su movimentu indipendentista - est puru unu símbulu craru de comenti si movat su sistema giudiziariu-margiazu e beni ddu dimustrat comenti funzionant e comenti si giogant medas cartas de parti de su stadu italianu candu si fueddat cun su pópulu".