"Sa zingara furunca de pipius": candu su pregiudiziu diventat mezu de opressioni

(IlMinuto) – Casteddu, 3 de su mes''e làmpadas - "Lo stereotipo come strumento di oppressione: adozione di minori rom sinti e sottrazione di minori gagè (non zingari, ndr)". At essi custu su tema de su seminàriu - aprontau de s'Assóziu de istudius antropologicus "Connessioni" - in programma cras in sa Facoltadi de "Scienze della Formazione" in Casteddu (9.00, "aula degli Specchi").
S'apuntamentu nascit de s'abbisóngiu de analizai e denunciai is pregiudizius e is cliché chi ant pigau forma in is séculus po mori de is elites culturalis - si ligit in d'una nota - e "in is diversas èpocas ant agiudau, in calidadi de funzionarius, giugis e àteru, s'azioni de is poderis púbblicus". "Tra totus is cliché  - acrarant is aprontadoris - unu de is prus odiosus e frimus est senz''e dúbbiu cussu de sa zingara furunca de pipius, nàsciu po su prus comenti motivu leterariu e chi s'est impostu a pustis puru in sa cultura popolari, comenti puru esti arrexinau su cliché de su zingaru selvàgiu e chi no est civilizau, fillu de unu mundu chi no si movit e chi est sèmpiri aguali a cussu 'e totu".
Carlotta Saletti Salza e Sabrina Tosi Cambini ant a ammostai is arrisurtaus de un'istudiu mannu chi chionat de s'"Adozione di minori rom sinti e sottrazione di minori gagè", ordinada de sa "Fondazione Migrantes" a su Dipartimentu de "Psicologia e Antropologia culturale" de s'Universidadi de Verona. Ant a participai a is traballus - cordinaus de Massimo Aresu (Ehess Parigi - Associazione Connessioni) - puru mussegn



ori Piero Gabella de sa "Fondazione Migrantes".