Prontu a sa batalla su "Comitato per il SI contro il nucleare". Numerosus is apógius a s'assembrea de Santa Justa
(IlMinuto) - Casteddu, 6 de su mes''e argiòlas - Est formali su "Comitato per il SI contro il nucleare in Sardigna", cun sa participazioni manna de organizazionis, movimentus e de citadinus scapus, a sa fac''e sa sonora ausenzia de is televisionis e de is giornalis. Domínigu a meigama, in su centru de is giòvanus de Santa Justa ant difatis donau sa cunfirma a sa participazioni ativa po s'atuamentu de su Cumitau medas rapresentantis de is forzas políticas, sindacalis e de is istituzionis: de sa galàssia indipendentista e autonomista (Sni, aMpI, Irs, Psd’Az, Fortza Paris, Rosso Mori, Css, Sns) is scuadras de sinistra (Verdi, Prc e Sinistra Critica), is rapresentantis de unus cantu amministrazionis comunalis e cussus de is medas movimentus e cumitaus "No Nuke" chi ddoi funt in su territoriu.
Obbietivu: aprontai in totu s'Ísula momentus po fai cumprendi sa chistioni de su Nucleari a sa genti e po fai votai in modu giudisciosu is sadrus. S'at a depi arribbai a su 33 po centu de su quorum ma - precisant in aprontadoris de sa cosa - in dógnia modu su referendum, própriu poita de cussurtu, at a fai sa parti sua, cussa de declarai in modu forti s'oposizioni de is sadrus a "custa zerachia noa". Su referendum s'at a tenni forsis in sa primu dexina de su mes''e totussantus, e po custu - at acrarau Bustianu Cumpostu - "est necessàriu aprontai sa batalla poita at essi unu sceberu chi at a imbistiri su presenti e su tempus benidori de su pópulu nostru". "No est po nudda - at acrarau Anghelu Marras de su Sindacadu de Sa Natzione Sarda - ca sa proposta de su nucleari benit fatta in tempus de crisi". Ma custa borta - at nau Giacomo Meloni de su Css - "est craru s'arrefudu a custu ricatu chi bollit ca si negosit sa saludi in càmbiu de postus de traballu fintus". Acitotu forti est su pensu de is indipendentistas chi - comenti at nau Sabino (aMpI) "ligint in custu sceberu bófiu a sa marolla de is 'capus mannus' un'invasioni coloniali noa chi ponit in luxi unu scontru de interessus tra su Stadu italianu e sa nazioni sadra".
Manna, tra is scuadras indipendentistas sa gana de s'arrebbellai a sa creazioni de un'economia de dipendhénzia, mannu puru s'intentu de torrai a fai bolai su progetu de una soverania energetica e política. Gianluigi Deiana (Sinistra Critica) at in veci precisau su bisóngiu de "frimmai su progetu de sa torrada a su nucleari cumandau de su Governu Berlusconi, in Sardigna e in dógnia logu si bollat fabbricai una centrali". Custus, duncas, is diversus pensus chi s'imbrassant in d'unu terrenu de lota cundividiu, a manera chi - comenti esti stetiu nau in Santa Justa - no ddoi siant prus centus concas, centu berritas, ma chi ndi ddoi siat scéti una".
Obbietivu: aprontai in totu s'Ísula momentus po fai cumprendi sa chistioni de su Nucleari a sa genti e po fai votai in modu giudisciosu is sadrus. S'at a depi arribbai a su 33 po centu de su quorum ma - precisant in aprontadoris de sa cosa - in dógnia modu su referendum, própriu poita de cussurtu, at a fai sa parti sua, cussa de declarai in modu forti s'oposizioni de is sadrus a "custa zerachia noa". Su referendum s'at a tenni forsis in sa primu dexina de su mes''e totussantus, e po custu - at acrarau Bustianu Cumpostu - "est necessàriu aprontai sa batalla poita at essi unu sceberu chi at a imbistiri su presenti e su tempus benidori de su pópulu nostru". "No est po nudda - at acrarau Anghelu Marras de su Sindacadu de Sa Natzione Sarda - ca sa proposta de su nucleari benit fatta in tempus de crisi". Ma custa borta - at nau Giacomo Meloni de su Css - "est craru s'arrefudu a custu ricatu chi bollit ca si negosit sa saludi in càmbiu de postus de traballu fintus". Acitotu forti est su pensu de is indipendentistas chi - comenti at nau Sabino (aMpI) "ligint in custu sceberu bófiu a sa marolla de is 'capus mannus' un'invasioni coloniali noa chi ponit in luxi unu scontru de interessus tra su Stadu italianu e sa nazioni sadra".
Manna, tra is scuadras indipendentistas sa gana de s'arrebbellai a sa creazioni de un'economia de dipendhénzia, mannu puru s'intentu de torrai a fai bolai su progetu de una soverania energetica e política. Gianluigi Deiana (Sinistra Critica) at in veci precisau su bisóngiu de "frimmai su progetu de sa torrada a su nucleari cumandau de su Governu Berlusconi, in Sardigna e in dógnia logu si bollat fabbricai una centrali". Custus, duncas, is diversus pensus chi s'imbrassant in d'unu terrenu de lota cundividiu, a manera chi - comenti esti stetiu nau in Santa Justa - no ddoi siant prus centus concas, centu berritas, ma chi ndi ddoi siat scéti una".
© RIPRODUZIONE RISERVATA