Appuntamenti: a Gonnoscodina la VI edizione della ‘Sagra de sa fregua’

30 Cabudanni 2010
Image
fregola11-150x150.jpg

(IlMinuto) – Casteddu, 30 de su mes''e cabudanni - Torrat de s'8 a su 10 de su mes''e ledàminis, sa 'Sagra de sa fregua' de Gonnoscodina. S'eventu - arribbau a sa sesta editzioni - tenit s'obbietivu de fai connosci e apretziai unu prodotu sardu amau fintzas de s'antighidadi. S'istoricu romanu Velleio Patercolo (19 a.C. – 31 d.C.) fueddat difatis de sa fegua in is crònacas de unu viàgiu de Tiberio Manlio in su Campidanu de Aristanis. In cust'ocasioni, su cónsulu iat apressiau "no scéti sa petza de su logu, puru unu brodu de brebei cun sa símbua abbotzichedhàda impastada cun is manus e fatta sicai a su sobi".De fregua fueddat puru Apicio. In su "De re coquinaria" (230 d.C.), est difatis ammostada sa preparatzioni de custa pasta de nascidas cartaginesas: "Sciundendi cun àcua sa símbua chi s'agatat in d'una scartedda e agiudendusì cun sa manu in d'unu movimentu circulari - scririt Apicio - s'otenint aici, de sa símbua, cantidadis de pasta pitichedda chi tenit sa forma orbiculari chi benint scedatzedadas e sceberadas, e  a sa fini benint arridadas in su forru, aundi pigant sa coloridura iscurosa". Puru in su 2010, sa pro loco de Gonnoscodina imbidat is amantis de sa cos''e papai a unu camminu culturali praxíbi in is stradixeddas de su centru istoricu. In custas tres diris sa biddixedda in Provìntzia de Aristanis at essi animada de cunvegnus e música e at essi possíbbili tastai is prodotus de su territoriu, de su casu a su sartitzu de su binu a su pani. Ma, comenti sèmpiri, sa reina de sa festa at essi "Sa fregua a sa Marmiddesa".



© RIPRODUZIONE RISERVATA