Ddl “Massaria”. Zuncheddu (Rossomori): “Pastoris redùsius in cativeriu”

12 Onniasantu 2010
Image
movimento_pastori_sardi4-300x225.jpg

(IlMinuto) – Casteddu, 12 de su mes''e totussantus - "No est prus su tempus de 'Legis tramperia e de fabas". Cun custus fueddus, mérculis, Claudia Zuncheddu, presidenti de is Rossomori, at acabbau su relatu suu in Consilllu regionali. In su Palatzu de bia Roma si discutiàt de s'aici nau Ddl "Massaria". Sa crisi de sa pastoria - at acrarau sa sardista de sinista - est su prodotu de sa "difesa fintzas a s'úrtimu de is profitus de is industrialis de su cumpartu, chi portat a sa poberesa de is produtoris de su lati". "Sa contestadura forti de custus mesis fatta de is pastoris sardus, pistaus e bufonaus - at nau sa boxi de is Rossomori - at scidau is cuscéntzias de is sardus e at impostu a sa classi política (e speraus puru a sa Giunta in càrriga), unu cunsidériu mannu asuba de custu 'meccanismu malàidu' chi at redusiu a is pastoris in cativeriu e in d'unu stadu de arrecatu economicu eternau de is industrialis".


"Sa primu crupa de s'indepidamentu de is pastoris - at acrarau Zuncheddu - est duncas sa 'béndhia a prétzius de fàmini' de su lati. Chi determinat su prétziu, no funt is leis de su mercau, ma is 'industrialis de su lati' cun is 'leis drogadas' chi ddus assistint e cun is 'complicidadis mannas' de su sistema políticu".


© RIPRODUZIONE RISERVATA