Caligaris (Sdr): "In Buoncammino is presoneris renuntziant a su decretu 'buida presonis'"

27 Mese de idas 2010
Image
svuota_carceri-150x150.jpg
(IlMinuto) – Casteddu, 27 de su mes''e paschixèdda - Su decretu "buida presonis" no funtzionat. A pugus diris de s'aprou, funt diversus difatis is presoneris in su presoni de Buoncammino de Casteddu a ai renuntziau a "gosai" de is binifícius de su provedimentu. Ddu denunciat cun d'una nota Maria Grazia Caligaris, presidenti de s'Assótziu Socialismo Diritti e Riforme. "Segundu is presoneris - acrarat Caligaris - ddoi funt medas arriscus de torrai in presoni e scontai una pena prus grai de cussa chi benit trasformada in presonia domiciliai". In su presoni de Casteddu funt pagus puru is presoneris a tenni is recuisitus po favorèssiri de su decretu. "Medas de is presoneris - precisat sa rapresentanti socialista - no tenint una domu poita benint de foras de stadu e funt senz''e permissu po podi abarrai innoi o ancora poita funt drogaus e/o maladius e senz''e família".
Medas artus, puru, is arriscus acapiaus a sa fuidura de is domiciliais. "Po sa 'fuidura' de is domiciliais - acrarat Caligaris - s'arriscat una pena de 1 a 5 annus. Fatuvatu, addolumannu, funt cunsideradas 'fuiduras' de is domiciliais puru is bessidas po andai in su cortili acanta 'e sa domu po arregolli su pedrusèmini o scéti po atravessai s'istrada po comporai su pani".
© RIPRODUZIONE RISERVATA
Tags