Massaria, aMpI: "S'Europa sacrificat su cumpartu sardu de is obias a su capitali"

22 Mese de idas 2010
Image
olivicoltori_ampi.jpg
(IlMinuto) – Casteddu, 22 de su mes''e paschixèdda - "Lotai po s'indipendentzia e sa soverania bollit nai puru lotai contra a is lógicas de su capitali, lógicas fillas de s'Europa chi ponint in genugu a is produsidoris e cuncentrant s'arrichesa in is manus de pagus e mannus manipuladoris de s'economia". Cun custus fueddus si concluit una nota de imprenta fatta connosci de su Diretivu políticu natzionali de aMpI a pustis de s'aprou de sa norma europea asuba de s'etichetadura de s'ollu de obia. Segundu s'organizatzioni de sa sinistra inidipendentista sarda cun custu provedimentu "s'Europa sacrificat su cumpartu de sa massaria a su capitali". "Is produsidoris - narat a Manca - ant essi cunstrintus a aplicai una fibera de normas cumplessas e inútilis, chi ant a fai aumentai is costus de sa produtzioni, e ant essi obbligaus puru a bendi s'ollu a is grussistas o a abbandonai su cumpartu". "Sa norma - acrarat aMpI - at a donai puru su permissu po s'ammesturu de s'ollu de obia cun s'ollu de sèmini [...]. Duncas, cussu chi fintzas a ariseru furiat cunsiderau de sa lei scéti una mistura illegali de scicutai, at a diventai unu prodotu po su cunsumu". A Manca denunciat is efetus de sa normativa europea, ma narat no puru a s'"illusioni, promovia aintru de s'indipendentismu, chi s'Europa possat garentiri una protetzioni economica e política fadendu torrai a froriri s'economia natzionali nostra".
© RIPRODUZIONE RISERVATA