Su Comitadu: “Su Stadu italianu ndi liat sa dignidadi a sa língua sarda. Intervengat s’Onu”

(IlMinuto) – Casteddu, 20 de su mes''e paschixèdda - Sa chistioni de sa língua sarda arribbat a is Natzionis Unias. Po sa Diri Mundialli de is diritus umanus 2010, su Comitadu pro sa limba sarda, reuniu in Fonne po sa Cuferéntzia regionali asuba de sa língua sarda, at difatis decidiu de aviai una procedura de cramu a s'Onu: su sardu - narat su Cumitau - est una língua stresiada de su stadu italiano. Su Cumitau denunciat a "su scéberu fattu po no bolli fai imparai sa língua natzionali sarda e is línguas alloglotas in s'iscola italiana in Sardigna de dógnia órdini e gradu de parti de su Stadu italianu, chi ndi tenit cumpeténtzia costitutzionali".

Su Comitadu at fattu recursu a s'Altu cummissàriu po is diritus umanus de is Natzionis Unias dimandendi s'arrespetu, de parti de su stadu italianu, de is artículus 1.1 e 2.3 de sa "Declarazioni de is diritus de is personis e de is minoràntzias etnicas, religiosas e liguisticas" de s'Onu.