Aremus radioativus in Portovesme. Zuncheddu: “Sardigna cascita de s’àliga de su Nord?”. Gig “Necessàrius cuntrollus Arpas”

(IlMinuto) – Casteddu, 31 de su mes''e gennàrgiu - "Arremaciaus sa dimandha de cuntrollus ambientalis púbblicus de parti de s'Arpas a is portus de arribbu de is matérialis e in Portovesme". Est cantu afirmat cun d'una nota su "Gruppo di Intervento Giuridico" e is "Amici della Terra", cummentendi is novas de imprenta asuba de su'isbarcu in Portovesme de tres camion gàrrigus de aremus radiotavisu chi arribbànt de Brescia: 70 tonnelladas de arrefudus radiotivus blocaus primu de intrai in manixu. Po is duus assótzius ambientalistas is cuntrollus a s'arribbu funt necessàrius, "sèmpiri chi no si bollat chi sa Sardigna - degradada a Sardistàn, ísula niedda de su Mediterraneu - siat impitada comenti una cascita de s'àliga radioativa".

Asuba de s'acontéssia at fueddau puru Claudia Zuncheddu, consillera regionali de is Rossomori. "Si dimandhaus - scririt sa sardista de sinistra - comenti siat possíbbili chi acontessat totu custu in d'unu territóriu aundi is cuntrollus maritimus iant a depi essi fàcilis de fai. No est ca sa Sardigna siat divendendi sa cascita de s'àliga ispeciali e radioativa de s'Itàlia e po su prus de s'industria de s'industria de Tramuntana?".