Sa “marea niedda” arribbat in Istintinu. Provìntzia e Comunus: “Sighit s’apretu”

(IlMinuto) – Casteddu, 25 de su mes''e gennàrgiu - "S'apretu ambientali no est ancora acabbau. Est proibiu abasciai sa guàrdia". Est s'órdini postu in motu de sa mesa de cordinamentu, reunia ariseru in Tàtari in is ufícius de su cumpartu Ambienti de s'amministratzioni provintziali própriu candu su catramu, spintu de su bentu, tocàt puru is arenaxus de Istintinu: Ezzi Mannu e Pazzona. A s'atóbiu ant participau sa Provìntzia de Tàtari, Pòrtu Turre, Sòssu, Casteddu Sardu, Istintinu, su Parcu de S'Asinàra, sa Capitaneria de Portu e is ténnicus de sa Regioni. "Si no si discinit in totu e po totu sa chistioni - esti stetiu afirmau de diversas partis in s'atóbiu - is dannus arriscant de essi meda sérius, in campu ambientali in cussu económicu". Su rolu de is litorali imbrutaus de sa "mància niedda" s'allonghiat de diri in diri e a su sciàsciu de s'11 de su mes''e gennàrgiu fattu de sa pérdida in mari de casi 18milla litrus de combustìbili chi depiant fruniri sa centrali E-On de Pòrtu Turre s'aciungit immoi un'àtera timoria. "S'assustu - ant nau is rapresentantis de Comunus e Provìntzia - chi is interventus po eliminai s'ollu combustìbili de is arenaxus ndi liint arena meda".

Andrea Stangoni Foto 2011©