“Marea niedda”: lampadinas studadas, sit in e dibbàtidu po fai luxi asuba de is responsabbilidadis E.on

(IlMinuto) – Casteddu, 16 de su mes''e fiàrgiu - A pagu prus de unu mesi de sa destrossa ambientali chi at impestau a is costeras e a su mari de sa Sardigna de Tramuntana si multiplicant is propostas po dennuntziai a is responsabbilidadis de s'E.on. Cenàbara ant essi in medas a participai a una forma noa de isciòpiru promòvia in Facebook. "Su 18 de su mes''e fiàrgiu a is otu de su merì - narant is aprontadoris - studa sa luxi po 10 minutus. Fai un'ingestixddu comenti símbulu de s'umbra cabada asuba de sa terra nostra mirífica". Is aprontadoris de sa cosa pedint chi sa multinatzionali tedesca fatzat partiri cantu primu sa bunífica de s'area, poita "fintzas a immoi est stetiu fattu scéti unu primu allichidimentu in is arenàrgius e in is arrocas". In sa mantessi diri, ma pagu minutus primu, in Pòrtu Turre (18.00, assótziu "The Rockers") at a cumentzai s'atóbiu-dibbàtidu promòviu de a Manca pro s’Indipendentzia e dedicau a su tema "Crisi occupazionale e marea nera. Quale futuro per Porto Torres?". E 48 oras infatu Pòrtu Turre at a aghilliri, a is 10.30, puru unu sit in de protesta a fac''e is rastréglius de addaenanti de s'E.on. Sa manifestada est aprontada de su Cumitau citadinu po sa Tutela de su Golfu S'Asinàra.