Eletzionis comunalis in Casteddu: Sale, Cumpostu e Meloni presentant su vascellu indipendentista de su capitanu Zuncheddu

(IlMinuto) – Casteddu, 24 de su mes''e martzu - Bustianu Cumpostu, Gavino Sale, Doddore Meloni e Claudia Zuncheddu setzius totus impari in sa mantessi mesa in cuferéntzia de imprenta. Su 24 de su mes''e martzu de su 2011 forsis at essi ammentada comenti una data istorica po s'indipendentismu sardu. Su consilleri regionali Zuncheddu at essi su candidau a síndhigu de diversas fortzas indipendentistas po is eletzionis comunalis de Casteddu.

Oi, ant acrarau is participantis a s'apauntamentu cun s'imprenta, aghilliu in manera simbòlica in d-una de is sabas de su ristoranti "Nave Pirata" atracau in su Siccu, partit unu progetu po su riscatu sociali, económicu e políticu de Casteddu capitali de sa natzioni sarda".

Indipendentistas (bessius de pagu de is Rossomori), Irs, Sardigna Natzione, a Manca pro s’Inpendentzia, Unidade e 'Riprendiamoci Cagliari'". Is temas a coru de s'alleàntzia indipendentista funt medas: de su precariau a s'Anfiteatru romanu, de su centru istoricu abbandonau a sa gestioni de su Puettu. Fiamenti - at nau Gavino Sale - si salpat abbia de cussa unidadi chi fintzas a pagus mesis fait furiat impossíbbili, ma ci dd'eus fatta [...]. Depeus torrai s'ànima a Casteddu, citadi chi sighit a essi in manu a seti-otu famílias. Dda depeus libberai poita depit essi sa capitali de totu sa Sardigna e no s'accuiadroxu de seti-otu lobby potentis meda".

"Boleus cumetziai de Casteddu - at aciuntu Cumpostu - a costruiri unu modu nou de bivi sa Sardigna".