"Fukushima fait acabbai s'era atómica": is adesionis de Sinistra Critica e Fds a sa manifestada de su 26 de su mes''e martzu

(IlMinuto) – Casteddu, 21 de su mes''e martzu - A pagus mesis de su referendum consultivu de su 15 de su mes''e maju e de cussu abrogrativu de su 12 de su mes''e làmpadas si fait sèmpiri prus forti s'impignu de su cumitau Sinonucle contra a su nucleari in Sardigna. Sàbudu 26 de su mes''e martzu in Casteddu est in programma una manifestada cun acumpangiamentu, prallatas e concertus. A s'apuntamentu, cun tucada a is 15.00 de pratza Marco Polo, funt giai arribbadas is adesionis de Sinistra Critica e de sa Federatzioni de sa Sinistra. "A pustis de is basis e de is tzerachias militaris - scrirint is segretàrius regionalis de su Prc e de su Pdci, Laura Stochino e Alessandro Corona – seus un'àtera borta a faci de sa possibbilidadi chi su territóriu de sa Regioni nostra bengat impitau comenti colonia, cun s'illusioni de s'isvilupu económicu e de su traballu. Nos [...] invecis pensaus chi risorsas pubblicas mannas distinadassu nucleari depanessi destinada a insutzuligai is energias rennovàbilis". Po Gianluigi Deiana de Sinistra critica una manifestada de massa in Casteddu podit essi unu mamentu de importu mannu po denunciai a "s'ingànniu de su nucleari". "S'arruina de Fukushima – scririt Deiana - marcat sa fini de s'era atómica. Immoi est sa fortza de is cosas a cumandai de cambiai su modu de pensai de nos etotu cun is mezus e is ténnicas de produtzioni de s'energia".