Nucleari. Candu s’àtera Sardigna cabat in pratza
Image
(IlMinuto) – Casteddu, 28 de su mes''e martzu - Sa Sardigna impidit su camminu a s'àtomu. Sàbudu a merì funt stetias pagu prus de 5milla is personis chi ant participau, in Casteddu, a sa manifestada aprontada de su Cumitau Sinonucle abetendi a su referendum consultivu de su 15 de su mes''e maju e a cussu abrogativu de su 12 de su mes''e làmpadas. A sa fortuna de sa cosa ant contribbuiu meda is novas arribbadas de su Giaponi - in Fukushima sa situatzioni est sèmpiri peus -, ma in is bias casteddaias s'est movia un'àtera Sardigna. Un'Ísula po su prus posta a citiri, giai mai rapresentada in is istitutzionis e senz''e risorsas económicas. Ma arrica de bideas e de energias "límpias".
De pratza Giovanni XXIII a pratza Garibaldi ant nau de nono a su fàbbricu de centralis nuclearis e de depósitus de ferrinas diversus grupus e cumitaus ambientalistas, is organizatzionis de sa sinistra extraparlamentari (Fds, Pcl, Sinistra Critica), is "Verdi", is Rossomori, s'Idv, su sindacalismu de basi (Usb e Cobas) e citadinus medas chi ant arrespustu a s'apellu fattu in Facebook de su Cumitau Sinonucle.
Sa manifestada de sàbudu at ammostau puru totu sa fortza de sa Sardigna indipendentista. Una parti manna de su corteu obertu de su striscioni de su Cumitau Sinonucle furiat fattu de scuadras indipendentistas, cun cordonis mannus de Sardigna Natzione, Irs, ProgRes e de aMpI. A su referendum de su 15 de su mes''e maju mancant pagu prus de 45 diris. "In custas cidas - at precisau su cordinadori de su Cumitau Sinonucle Bustianu Cumpostu - eus a sighiri a adai po sa Sardigna po promovi a su referendum. Cun custa dimandha est forsis sa primu borta chi su pópulu sardu benit lamau a espressai su pensu suu comenti pópulu i est sa primu borta chi at a tenni sa possibbilidadi de pigai una decisioni asuba de su territóriu suu".
De pratza Giovanni XXIII a pratza Garibaldi ant nau de nono a su fàbbricu de centralis nuclearis e de depósitus de ferrinas diversus grupus e cumitaus ambientalistas, is organizatzionis de sa sinistra extraparlamentari (Fds, Pcl, Sinistra Critica), is "Verdi", is Rossomori, s'Idv, su sindacalismu de basi (Usb e Cobas) e citadinus medas chi ant arrespustu a s'apellu fattu in Facebook de su Cumitau Sinonucle.
Sa manifestada de sàbudu at ammostau puru totu sa fortza de sa Sardigna indipendentista. Una parti manna de su corteu obertu de su striscioni de su Cumitau Sinonucle furiat fattu de scuadras indipendentistas, cun cordonis mannus de Sardigna Natzione, Irs, ProgRes e de aMpI. A su referendum de su 15 de su mes''e maju mancant pagu prus de 45 diris. "In custas cidas - at precisau su cordinadori de su Cumitau Sinonucle Bustianu Cumpostu - eus a sighiri a adai po sa Sardigna po promovi a su referendum. Cun custa dimandha est forsis sa primu borta chi su pópulu sardu benit lamau a espressai su pensu suu comenti pópulu i est sa primu borta chi at a tenni sa possibbilidadi de pigai una decisioni asuba de su territóriu suu".
© RIPRODUZIONE RISERVATA