Radar in Capo Sperone: sàbudu manifestada de protesta in Santu Antiogu

(IlMinuto) – Casteddu, 13 de su mes''e arbili - Santu Antiogu narat de nono a su Semàforu. Sàbudu a mangianu sa bidda in provìntzia de Carbònia-Igrèsias at essi atreversada de unu corteu chi at a tucai a is 10.30 de bia Nazionale (bixinau ex Sardamag) po acabbai cun d-unua parlata in pratza Italia. "Su radar - si ligit in d-una nota - bogat unu fasci poderosu de undas eletromagneticas, pirigulosas meda po sa saludi. Pirigulosas po s'ambienti e po su turismu, poita cun d-unu radar de custas mannarias no podeus prus fueddai de turismu in Santu Antiogu". Is aprontadoris de su Cumitau no Radar cumbidant a "participai a totus is citadinus, a is scientis e a cussus chi tenit a coru sa chistioni, senz''e perou portai bandheras de partidu". Asuba de sa chistioni at fueddau puru su consilleri regionali Claudia Zuncheddu (Indipedentistas), chi at presentau un'interrogatzioni asuba de sa decisioni de prantai su radar in Capo sperone.