"Su stadu italianu negat ancora a su pópulu sardu su diritu de si governai a solu", su nono de aMpI a su radar de Capo Sperone

(IlMinuto) – Casteddu, 1 de su mes''e arbili - Sighit de diri in diri sa mobilitada de su Cumitau "No Radar" contra a s'istrutura chi si bolit prantai in Capo Sperone. Custu merì a is 18.00 ddoi at essi unu sit in a fac''e Consillu comunali de Santu Antiogu, chi s'at a reuniri po esaminai a sa chistioni. A sa protesta at a participai puru una rapresentantzia de a Manca pro s'Indipendentzia. S'organizatzioni de sa manca indipendentista fueddat asuba de su tema cun d-unu comunicau. "Su radar - denunciat aMpI - funtzionat boghendi unu fasci eletromagneticu mannu, dannosu meda po saludi s'ómini e po is animabis, prusatotu chi s'aparada est sighia in su tempus [...]. Un'àtera borta, non est su pópulu sardu a decídiri, ancora una borta su Stadu italianu negat a sa genti sarda su diritu de si governai a sola e de gestiri su própriu territóriu e is próprius arrichesas. Ma is abitantis de Santu Antiogu atobiaus in d-un'assembrea popolari no si funt ammostaus fasius s'acollai cust'àteru aprofitu. Ant costituiu su cumitau 'No Radar' e si funt movendi".