Prémius: in S'Alighera "S'atastadora de ollu de obia

(IlMinuto) – Casteddu, 6 de su mes'e maju - "S'atastadora de ollu de obia" est unu cuncursu po is atastadoras professoneras de s'ollu extravírgini e vírgini de obia e po simplis amantis e stimadoras. Ocannu su prémiu aligheresu, arribbau a sa cuinta editzioni sua, s'at a tenni su 4 de su mes'e làmpadas. Po podi participai a sa gara est necessàriu a s'iscriri intru su 28 de su mes'e maju. Su cuncursu est aprontau de sa setzioni Fidapa de S'Alighera cun s'apógiu de sa Càmara de su Cummérciu de Tàtari, de su Comunu de S'Alighera, de s'Assótziu Natzionali "Città dell’Olio", de s'Onaoo ("Organizzazione Nazionale Assaggiatori di Olio d'Oliva") e de sa Coldiretti. Po scedas cuntatai a is númeru telefónicus 079.978576 (puru po fax) e 333.6985438, o mandai un'e-mail a s'indiritzu info@orodialghero.com o a s'indiritzu anroa2000@yahoo.it.