Referendum: su 12 e su 13 de su mes’e làmpadas Sinonucle contr’a su nucleari e sa privatizatzioni de s’àcua. Apelli contr’a “Cuatru leis aggraviosas”

30 Maju 2011
Image
comitato-sinonucle-giugno.jpg


(IlMinuto) - Casteddu, 30 de su mes'e maju - Sighit sa batalla de Sinonucle. Agoa de sa bitória de su 15 e de su 16 de su mes'e maju, s'Esecutivu de su Cumitau at decidiu de s'impegnai puru in is referendum de su 12 e de su 13 de su mes'e làmpadas. Su Cumitau - si ligit in sa delíbbera aprovada cida passada in Aristanis - "At stabbiliu de s'impegnai, cun sa mantessi frimmesa [...] chi at tentu po su referendum consultivu regionali, in sa pubblicidadi de s'EJA in su referendum contr'a su nucleari e in is duus referendum contr'a sa privatizatzioni de s'àcua. Po su referendum asuba de su "legittimo impedimento" su cumitau s'agat de acórdiu cun sa necessidadi chi totus is citadinus siant agualis ananti de sa lei". Asuba de su mantessi tema est stetiu fattu connosci s'apellu "Quattro leggi infami", firmau de "Sinistra Critica", "Collettivo Marxista-Leninista" de Nùgoro, Círculu Prc de Aristanis 2 e Vincenzo Pllai (Prc). Su documentu cumbidat a lotai - votendu eja a is cuatru referendum de su mes'e làmpadas - contr'a cuatru leis fillas de is "oligarchias e de sa corrutzioni de su Stadu". S'apellu precisat s'importu de sa dimandha asuba de su "legittimo impedimento": "su primu referendum contr'a sa corrutzioni política chi si tenit in d-unu de is logus prus corrùmpius de su mundu".



© RIPRODUZIONE RISERVATA