Acuntéssia Bellomonte: cenàbara sit in a fac'e su Consillu regionali. A 23 diris s'isciòpiru de su fàmini

(IlMinuto) – Casteddu, 4 de su mes' argiolas - Funt a oi 23 is diris de fil'e pari de sciòperu de su fàmini po pediri de liberai debressi a Bruno Bellomonte, su dirigenti de a Manca pro s’Indipendentzia e sindacalista de duus annus e 25 diris in presoni po mori de acusas chi no funt stetias mai cumprovadas. Un'isciòperu de su fàmini, contr'a cussa chi est stetia spricada  comenti una "persecutzioni contr'a su comunismu", at acabai a su mesunoti de su 7 de su mes'e argiolas i at essi sighia su mangianu de s'8 a is 10.00 de una cuferéntzia de protesta a fac'e su Consillu regionali. "Una cuferéntzia - si ligit in d-una nota de imprenta - po […] fai intendi sa própriu boxi e po protestai contr'a s'arrevesciori de s'impresonamentu cautelari e po sa territorialidadi de sa pena". S'isciòpiru de su fàmini - promòviu de su Cumitau "lavoratori pro Bellomonte" - est cumentzau su 12 de su mes'e làmpadas. Oi no papant Martino Orrù, Gialuigi Deiana e Paola Alcioni. A su mamentu funt pagu prus de 30 is personis chi ant participau a sa protesta po pediri de liberai a Bellomonte. "Unu ferrovieri, indipendentista, comunista chi in su mes'e làmpadas de su 2009 - si ligit in s'apellu chi promovit su sit in - benit arrestau impari a àterus cumpàngius cun s'acusa de ai bófiu torrai a fai nasci a nou is Br, de ai progetau de fai un'atentau a sa vida de is meris mannus de su G8 (ammentaus chi in cussu mesi s'atóbiu de su G8 furiat programmau in Madalena). No ddoi est nisciuna proa, no est stetiu agatau niscinu indítziu e nudda est statiu cumprovau fintzas a immoi".

Po pediri scedas e po participai a s'isciòpiru de su fàmini:

Cumitau "lavoratori pro Bellomonte" Antonello Tiddia - 338/5931619 – tiddia.ant@gmail.com

Po pediri scedas e po participai a su sit in: salang@alice.it - 347/2723955