Apuntamentus: in Santu Antiogu "Luppoli di Mare"

(IlMinuto) – Casteddu, 7 de su mes'e argiolas - "Luppoli di Mare" s'at a tenni in Santu Antiogu cun tres apuntamentus de su gustu chi ant a tenni comenti protagonistas sa birra bella, sa cos'e papai bella e su mari de su Surcis Igresienti. Sa festa est po cras 8 de su mes'e argiolas. Cumentzai de is 21.00 su Birrificiu Rubiu ant ghiai is amigus chi ant andai a dd'agatai in d-unu viàgiu de andada e torrada cun destinatzioni "Bruxelles-Rubiu". Su pilotu at essi Lorenzo Dabove, in arti Kuaska s'espertu italianu prus mannu de birra belga e giugi in is garas natzionalis e internatzionalis prus importantis. Is viagiadoris ant a tenni sa possibilidadi de atastai cincu tipus diversus de birra e de provai s'abbinamentu gastronòmicu comenti bolit su métodu MoBI, unu métodu chi proponit is birras in atastu sighendi tres istrads de abbinamentu cun sa cos'e papai: sa primu, previdit s'abbianamentu traditzionali comenti bolit su logu de apróliu de sa birra; sa segunda, previdit s'abbinamentu cun ingredientis tipicus de su logu chi dd'aghillit - est a nai cun is prodotus de su Surcis Igresienti - i a s'acabada ddoi at essi su tertzu métodu chi previdit s'abbinamentu cun is arretzetas fattas a hoc po s'ocasioni. Sa manifestada at a sighiri sàbadu 3 de su mes'e cabudanni de su 2011. Po totus is eventus tocat a prenotai.

Po scedas asuba de totu su programma, po pediri is prétzius e po prenotai telefonai a su númeru 347/8889981 o scriri a info@rubiubirra.it