Parchegius in Cuartu: cincumilla firmas bullant su Pranu Frimada de su síndigu Contini

(IlMinuto) – Casteddu, 22 de su mesi de paschixèdda - Cincumilla. Funt assumancu cincumilla is firmas pigada de is duus grupus chi gherrant contra a su Pranu Frimada pde Cuartu Sant'Aleni bófiu de s'aministratzioni Contini. Su Comitau referendàriu "Basta strisce blu" at presentau custu mangianu a s'imprenta is arrisurtaus de s'arregorta firmas chi at trisinau a sa tzitadi de su mesi de totussantus. "In cuàturu cidas - si ligit in d-unu comunicau - e 16 mangianus a is banchitus cun bentu, frius e àcua funt stétias pigada 4.500 e prus firmas po pediri de ndi liai e de cambiai su Pranu de Frimada. A custas si aciungint is 500 firmas e prus pigadas in paperi e cun d-una petitzioni on line de su grupu "Piano della sosta Quartu Sant'Elena", chi at cumentzau a s'ocupai de su Pranu de Frimada de su mesi de paschixèdda de su 2010.