Poligonus militaris: su nou de su PdCI Sardigna

(IlMinuto) – Casteddu, 13 de su mesi de martzu - S'allargat su disacórdiu contra a su sceberu de is chi eligint sa Sartdigna a terra de tzerachia militari, filla "cara" de chini comenti s'Itàlia, is Usa, Israeli, sa Nato ndi fait una basi de esercitatzionis po is próprius progetus de gherra o po is espansionis imperialistas. S'iscórriu ingíriu a custas "scacchiere" de sa morti est amanniau prusatotu in is úrtimas diris, agoa de is dichiaras fatas de su Senadori Gian Piero Scanu (Partidu Demogàticu) ingíriu a is poligonus, pedendu sa serradura de is de Cabu Frasca e de Cabu Teulada, ma proponendi de torrai a cunvèrtiri in "tzentru de circa issentífica e tennologica po sistemas de arma nous" su Poligonu de Cuirra."Seus [...] a faci de unu ‘gattopardismo’ perigulosu meda: si bolint serrai is duas basis prus piticas po cuncentrai totu sa poténtzia militari Usa e Nato in d-un'única basi prus forti e prus profetosa a is disignus de interventu militari in su Mediterràneu", pretzisat in d-una nota de imprenta Alessandro Corona, Cordinadori Regionali PdCI Sardigna. Su Partidu de is Comunistas Italianus de sa Sardigna in is diris chi benint at a intervenni in Foghesu, acanta de sa basi de Cuirra.