Stadu italianu: stop a is finantziamentus po is eletzionis aministrativas in Sardigna. Zuncheddu: "Atacu grai a s'autonomia de sa Regioni"

(IlMinuto) – Casteddu, 16 de su mesi de arbili - Su Guvernu e su Stadu italiano, atressu de una nota de su Ministeru de s'Internu, atestant "ca no ddoi funt prus is presupostus po su sboddiamentu de is atividadis de agiudu ténnicu-aministrativu po afrontai àterus costus finantziarius a is pabas de su Stadu po s'organizatzioni e sa gestioni de is eletzionis aministrativas". In d-unu mamentu de crisi económica e sotziali grai sa Sardigna bit pòniri in perígulu sériu puru s'organizatzioni de is eletzionis benientis. Su Stadu Italianu - cumentat su consilleri regionali de is Indipendentistas Claudia Zuncheddu - "no arrespetat is patus istitutzionalis decretaus de su Statutu de autonomia, liendusì [...] su dinai chi si depint e chi non s'ant ancora torrau", e po is eletzionis chi s'ant a depi sboddiai intre pagu tempus in s'ísula "si permitit cun d-unu modu de fai barrosu e frimu de amaletzai unu disgagiu finantziariu e aprontadori". "Custu - pretzisat su consilleri indipendentista - est un'àteru atacu grai a su status nostru de Regioni Autónoma e a is diritus costitutzionalis nostrus. Est lompia s'ora chi sa Ras fatzat balli is diritus de su Pópulu sardu, in totus is domus europeas, denuntziendi is abusus sighius e is violatzionis de is acórdius istitutzionalis prevìdius de su Statutu de Autonomia nostru de parti de su Guvernu italianu".