Bullau referendum de Meloni. Sni: "s'indipendéntzia est unu trabllu colletivu, de fromigas, no isolau, de ungrullus sardus e nimancu italianus"

11 Làmpadas 2012
Image
referendum-indipendenza-257x300.png


(IlMinuto) – Casteddu, 11 de su mesi de làmpadas - "Sa Repúbrica, una e 'indivisibile'" narat s'artículu 5 de sa Costitutzioni italiana. Apitzus de custu assuntu s'Ofítziu Regionali de su Referendum, at declarau illegali su referendum consultivu asuba de s'indipendéntzia de sa Sardigna promòviu de Doddore Meloni. "Is sardus no podint nimancu espressai unu parri de lebertadi", comentat Sardigna Natzione Indipendentzia, atressu de unu comunicau de imprenta. "Seus e eus a abarrai indipendentistas - sighit su cordinadori natzionali de Sni Bustianu Cumpostu - no pentzaus chi s'istória de su pópulu nostru s'at a frimai in s'italianidadi, oi o cras custa fasi istórica puru at a passai de su presenti a su passau e s'Itàlia s'at a aciungi a s'elencu de is dominadoris de sa terra nostra". S'impignu de Sardigna Natzione no s'at a frimai a faci de is artículus de sa costitutzioni italiana o de su statutu sardu. Prusaprestu Sni criticat tempus e modus de sa proposta referendària de Meloni. "S'indipendéntzia est unu traballu colletivu, de fromigas, no isolau, de ungrullus sardus e nimancu italianus". S'at essi lompius a un'àteru arrasurtau - si ligit in su comunicau - si si fessant abetaus is tempus giustus e is trisinamentus giustus. Sni no at condivìdiu sa proposta de Doddore poita at pentzau chi fessat perigulosa po s'indipendentismu in is arrasurtaus possíbbilis, faddia in is tempus, faddia in sa forma de blitz isolau e in s'auséntzia de trisinamentus", mancai custu "espressat arràbiu e arrumpellada a petus de un'atu de 'illegittimazione' de su referendum".



© RIPRODUZIONE RISERVATA