In sa Costera de is Bentruxus arribat "Progetu Isvilupu". aMpI "Nisciunu tochit is costeras nostas!"

(IlMinuto) - Casteddu, 28 de su mesi de cabudanni - Matoni e ciumentu, duus marcus chi lassant arrastas importantis in su paisàgiu, sighint a avantzant atafiendi a sa Sardigna e ispacendiddi sa terra. Custa borta sa preda est sa Costera de is Bentruxus, paradisu naturali intre Bosa e S'Alighera, giassu ideali po un'"òpera" noa batiada "Progetu Isvilupu". Sa sotziedadi fabricadora at essi sa "Condotte Immobiliare s.p.a." e su progetu previdit su cumprimentu de hotel a tres e cincu isteddus, tzentrus benistai e spa, impiantus de is bangius, campus de golf, istruturas po iscampirradas e falconeria, istruturas po bird-watching e tiru cun s'arcu. Su progetu, chi at giai biu sa contrariedadi de su Grupu de Interventu Giurídicu e de is Amigus de sa Terra, no praxit nimancu a sa manca indipendentista, chi con d-una nota de imprenta fueddat de "Fainas inútilis, chi no faint scéti dannu mannus a su paisàgiu, ma chi ant a impoberai puru balu un'àtera borta a su pópulu sardu ingrussendi is buxacas de is sólitas lobby, amadas medas de is amigus de s''autonomismo'". Ant essi difatis 247 is ètarus liaus a su paisàgiu cun sa complicidadi de sa lei regionali n. 19/2011 de acotzu a su golf. Unu territóriu, su sceberau, amparau de su avincu "paesaggistico", decretu legislativu n. 42/2004 e s.m.i, e reconotu comenti giassu de importu comunitàriu segundu sa diretiva n. 92/43/Cee. "Funt istórias giai contadas, - sighit su comunicau de a Manca pro s'Indipendentzia - chi bint comenti protagonistas a fabricadoris e a progetistas impignaus a fai unu progetu chi ispaciant comenti 'non invasivo' e de calidadi bella. S'agataus ananti de sa sólita marmellada marigosa lungia in su pani de sa Sardigna".

Fotografia de Claudio Cicali. Pigada de Flickr