In Bidda Noa Truschedu sa de tres sagra de su sparau

11 Martzu 2014
Image
asparagi.jpg
(IlMinuto) – Casteddu, 11 de su mesi de martzu - S'at a isboddiai su fine de cida chi benit, in Bidda Noa Truschedu, sa de tres editzioni de sa Sagra de su Sparau aprontada de sa Pro loco de sa biddixedda de su Barigadu cun s'apògiu de su Comunu e s'agiudu de sa Consulta de is giòvanus. S'atopu est po su 16 su mesi de martzu a is 10.30 cun sa bisita ghiada cun su trenixeddu turisticu a su giassu de su giassu Santu Millianu cun is cumbessias suas, e a su Nuraxi de Santa Brabara. A sighiri s'atopu passillada a sa circa de is ebras de sa traditzioni: reconnoscimentu e impitus. Su meigama at essi imbecis fatu de s'allicu cun is atastus de is pratus tipicus fatus cun sparau. S'at a serrai in mùsica cun is baddus in pratza de su grupu "A baddai" de Arrobertu Fadda. In totu sa diri s'at a podi bisitai puru sa mostra de is bistiris traditzionalis de is comunus de su territòriu e s'aparada de is aparatus sacrus. Po pigai prus iscedas telefonai a is nùmerus: 3883666200; 3455976406.
© RIPRODUZIONE RISERVATA